Sharjah شارجہ

شارجہ
متحدہ عرب امارات کی تیسری بڑی اورمشہور امارت شارجہ ہے

شارجہ کے حکمران ہیں اور متحدہ عرب امارات کی سپریم کونسل کے رکن ہیں

 اسے دنیاشارجہ کپ کے حوالے سے جانتی ہے مگر شارجہ متحدہ عرب امارت کی اہم ترین اور تیسری بڑی امارت ہے ہز ہائی نس ڈاکٹر شیخ سلطان بن محمد القاسمی 



 جبکہ ہز ایکسیلینسی شیخ سلطان بن محمدبن سلطان القاسمی ولی عہد اور نائب امیر شارجہ ہیں
ہز اکسیلینسی شیخ احمد بن سلطان بن القاسمی نائب امیر شارجہ ہیں اگر چے کہ شارجہ کا رقبہ دبئی اور ابوظہبی کے مقابلے میں زیادہ بڑا نہیں ہے مگر کرکٹ کے حوالے سے جو شہرت شارجہ کو حاصل ہوئی ہے وہ متحدہ عرب امارات کی کسی اور امارت کو حاصل نہیں ہوئی ہے شارجہ ان امارات میں سے ایک ہے جہاں پر بین الاقوامی ائیر پورٹ بھی واقع ہے جہا ں پر عرب امارات میں آنے اور جانے والے مسافروں کی بڑی تعداد آتی ہے شارجہ شہر ساحل سے نزدیک ہونے کی وجہ سے ایک طرح سے بندرگاہ بھی ہے شارجہ اور دبئی کے درمیان کچھ زیادہ فاصلہ نہیں ہے کراچی اور لاہور کے رہنے والوں کے لئے توان دونوں امارات میں آنا اور جانا اس طرح سے ہے جیسا کہ کراچی میں رہنے والوں کے لئے ٹاور سے ڈیفنس کی گول مسجد تک جانا یا پی ای سی ایچ ایس سوسائٹی جانا یا لاہور میں مال روڈ سے شہر کے کسی مضافاتی بستی میں جانا اسی لئے پاکستانیوں کے لئے تو شارجہ اور دبئی کا فاصلہ کچھ بھی نہیں ہے چو نکہ ساتوں امارات کا قانون یہ ہے کہ کسی بھی امارت کے ویزے کی بنیاد پر آنے والے مسافر کو تمام امارات میں جانے کی اجازت ہے بس صرف شرط یہ ہے کہ جس امارت میں یا جس راستے یا بین الاقوامی ائیر پورٹ کے زریعے داخل ہوا ہے اسی راستے یا ائیر پورٹ کے زریعے واپسی بھی ہوگی اسی لئے بعض پاکستانی تو رہتے شارجہ میں اور کام دبئی میں کرتے ہیں اسی طرح بعض دفعہ تو اس طرح سے دیکھاگیاہے کہ ایک امارت میں رہنے والے اپنی ضروریات زندگی کا سامان دوسری امارت سے اس لئے خریدتے ہیں کہ وہاں پر سستا یا اچھا دستیاب ہوتا ہے ۔

شارجہ میں جاکر اور وہاں دیکھ کر یہ احساس ہوتا ہے کہ شارجہ کے حکمران خاندان ہز ہائی نس شیخ سلطان بن محمد القاسمی اور ان کے اہل کاروں نے پوری پو ری کوشش کی ہے کہ وسائل کی کمی کو کسی بھی ترقیاتی منصوبے میں حارج نہ ہونے دیا جائے یہ ہی وجہ ہے کہ شارجہ متحدہ عرب امارات کی خوبصورت ترین امارات میں سے ایک ہے شارجہ شہر میں ایک بڑاگولڈ سینٹر بھی قائم کیا گیا ہے جہاں پر دنیا بھر کے خریدار سونے اورجواہرات کی خریداری کے لئے آتے ہیں۔